عمادالدین نسیمی - یار ایسته مه
سن سَنا گر یار ایسن، وار ای کؤنول، یار ایستمه
یار و دیلدار اول سانا، سن یار و دیلدار ایستمه
بیوفادیر چون بو عالم، کیمدن ایسترسن وفا؟
بیوفا عالمده سن یار وفادار ایستمه
گول بولونماز بو تیکانلی دۆنیانین باغیندا چون،
اَبسَم اول، بیهوده گولسوز یئرده گولزار ایستمه
معرفتدیر خالص آلتون، سکهسی فضل و هنر،
آلتونو تانی، زغلدن آری دینار ایستمه
حقّه منکردیر اوکی، اینانما اول شیطانا کیم،
یوخدور اول جینخلقتین ذاتیندا اقرار، ایستمه
آری گفتار، ای کؤنول، گرچکلرین نطقیدورور،
هر دیلی اَقریده یوخدور آری گفتار، ایستمه
جیفهدیر دونیا، اونون طالبلری آدی کتاب،
اولما کلب آنین، کیم اولدو آدی مردار، ایستمه
شربتی آغولودور، فانی جهانین، سن اونون
شربتیندن نوشدارو اومما، زینهار ایستمه
دونیانین سئوگیسی آغیر یوک ایمیش، مندَن اشیت،
نفسینی یوک ائتمه اونا، ای سبکبار، ایستمه
بیر امین محرم بولونماز، ای نسیمی، چون بوگون،
خلقَه فاش ائتمه بو رمزی، کشف اسرار ایستمه